పెరటిలో వంకాయ ...

మనకు పెళ్లి సంబంధాలు చూడడం మొదలుపెట్టేసరికి అమ్మ, నాన్నలు తెలిసినవారిలోను, బంధువులలోను ఎవరయినా అమ్మాయిలూ ఉన్నారేమోనని చూస్తారు. ఎందుకంటే పెళ్లి అంటే జస్ట్ అమ్మాయి ఒకటే కాదు కదా !! అమ్మాయి అందం, చదువు వీటితో పాటు అమ్మాయి అమ్మ, నాన్నలు , వాళ్ళ బ్యాక్ గ్రౌండ్ ఇవన్నీ ముఖ్యమే ! తెలిసినవారిలో లాభం ఏమిటి అంటే వాళ్ళ గురించి అన్నీ తెలుసుకునే వీలు ఉంటుంది. ఈ మధ్య ఒక సంబంధం చూసారు. నాకు నచ్చలేదు. అపుడు ఒక ఐడియా వచ్చింది. ఏదయినా, మేట్రిమొనియాల్ సైట్ లో రిజిస్టర్ అయితే ఎలా ఉంటుంది అని. నాకు తెలిసిన ఒక తత్వవేత్త తో మాట్లాడాను. పెళ్ళికి, తత్వవేత్తకు సంబంధం ఏమిటి అంటారా ??? అదంతే !!!

అప్పడు కొన్ని విషయాలు తెలుసుకున్నాను. మనకు తెలిసిన అమ్మాయి అంటే మనం ఇష్టపడి, ప్రేమతో ఇంట్లో పెంచుకునే మొక్కకు కాచిన వంకాయ లాంటిది. మనకు ఒక తెలియని ఇది ఉంటుంది. మనది అన్న ఫీలింగ్ ఉంటుంది కాబట్టి లైఫ్ (కూర) కూడా బాగానే ఉంటుంది. అదే ఇటువంటి మేరేజ్ బ్యురోస్, ఇంటర్నెట్ సైట్ లలో ఎంచుకున్న అమ్మాయి అయితే హోటల్ కి వెళ్లి తిన్న కూర లాంటిది. వంకాయ ఎక్కడ కాచింది, దాని బ్యాక్ గ్రౌండ్ ఏమిటి అన్నవి తెలియవు. నువ్వు ఏమి చదివావు, ఏమి చేస్తున్నావు, నీ జీతం యెంత, ఏమి చెయ్యాలి అనుకుంటున్నావు ఇలా మెటిరియలిస్టిక్ గా ఉంటుంది.

ఈ మాటలు విన్న తరువాత నా నిర్ణయం మార్చుకున్నాను - కొంచం లేటు అయినా అమ్మ , నాన్నలు చూసిన అమ్మాయినే చేసుకుందామని !!!